Ես շրջապատված եմ բարությամբ և հոգատարությամբ իմ ընտանիքով, իմ ընկերներով և իմ ուսուցիչներով: Ես իրենց եմ սիրում, նրանք էլ ինձ: Եթե իմ ընկերները իմ կարիքը ունենան, ես ինչքան կարողանամ արագ կհասնեմ: Որովհետև ես սիրում եմ նրանց: Կորոնավիրուսի պատճառով երբ մենք դասի չէինք գնում, ես կարոտում էի բոլորին և համակարգչի առջև ձանձրանում էի: Բայց մենք իրար հետ Թիմս-ով շփվում էինք, և դա լավ էր: Չնայած հիմա ավելի լավ է:
Ես շատ եմ սիրում անձրևը
Ես շատ եմ սիրում անձրևը, դրա համար էլ կցանկանայի անձրև լինել: Երբ անձրև է գալիս, ցուրտ է, իսկ ես շատ եմ սիրում ցուրտը: Անձրևի տակ դրսում ման գալը շատ հետաքրքիր է, հավես է, երբ մազերդ թրջվում են, և կաթիլները կաթում վրադ: Անձրև սիրող շատ մարդիկ կան: Նաև ես շատ եմ սիրում գիշերը, իսկ եթե գիշերը անձրև է գալիս, դրանից լավ բան չկա: Գիշերը դրսում անձրևի տակ, կարող ես տրամադրությունդ փոխել վատից լավը և հակառակ, իսկ լացելը ընտիր է, այնուամենայնիվ ինձ համար: Անձրևը շատ լավ եղանակ է, ես չեմ հասկանում այն մարդկանց, որոնք ասում են` անձրևը պրծնի, արևը գա, բայց ես ուզում եմ, որ արևը գնա, գա մութ գիշերը, և գեղեցիկ ու ուժեղ անձրևը:
Երկինքը երկրին շատ բան կարող է պատմել
Երկինքը երկրին շատ բան կարող է պատմել, բայց մենք չենք կարող պատկերացնել այդ ամենը։ Եթե մենք նայենք մի ուրիշ տեսանկյունից, երկինքը երկրին շատ բան կարող է պատմել։ Եկեք երկինքին և երկրին դնենք հերոսների կերպարներում, ավելի հեքիաթային կստացվի։ Երկինքը երկրին կարող է պատմել, թե ինչ օգտակար գործեր է անում երկրի համար։ Երկինքը երկրին պարգևում է անձրև, արև, հեքիաթային ձյուն, աստղեր։ Երբ տեսնում ենք աստղերը երկնքում, մեզ մի հեքիաթային բան է թվում։ Երկինքը կարող է իր առեղծվածային իրիկնային և դյութական աստղերով պատմել մի պատմություն երկրին և երկրի մարդկանց։ Երկինքը երկրի մի անբաժանելի մասինկն է։ Եթե չլիներ երկինքը, երկիրը այդքան էլ գեղեցիկ չէր լինի առանց կապտավուն գեղեցկության։ Երկինքը երկրին պարգևում է ամեն ինչ, որպեսզի երկիրը ապրի, շնչի։
Խաղաղություն բերեի բոլորին
Ա~խ, երանի ես
Աղավնի լինեի,
Խաղաղություն բերեի բոլորին:
Ա~խ, երանի աղավնի լինեի,
Սեր ու բարություն սփռեի աշխարհով մեկ:
Ա~խ, երանի աղավնի լինեի
Ու աշխարհից վերացնեի բոլոր պատերազմները:
Երանի աղավնի լինեի,
Ու մարդիկ կապրեին ավելի երջանիկ:
Երանի աղավնիները շատ լինեն և իրենց բարությունը փոխանցնեն մարդկանց…
Երանի ես Կատու լինեի
Երանի ես Կատու լինեի… հիմա կպատմեմ ինչու։ Կատուները ունեն 9 կյանք, էդպես ասում են բոլորը։ Ես գիտեմ, որ կատուների կյանքը այդքան հետաքրքիր չէ, բայց նրանք անում են ինչ ցանկանում են, նրանք միշտ կանգնում են, ընկնում են թաթերի վրա։ Եթե ինչ-որ բան խնդրես, նրանք իրենց լեզվով կասեն` у меня же лапки։ Նրանք կարող են քնել ամեն տեղ, քանի որ շատ պլաստիկ են, գեղեցիկ, իրենց տեսքով, աչքերով հմայում են բոլորին։ Ահա թե ինչու եմ ես ուզում լինել կատու:
Ա՜խ, երանի լիներ բարության անձրև
Ա՜խ, ես երանի բարության անձրև լինեի։ Լինեի անձրև և գայի մաքրեի այս աշխարհի կեղծությունը, մարդկանց չարությունը, նախանձը։ Ինձ թվում է` ոչ ոքի էլ դուր չի գալիս այդ ամենը։ Նաև կուզեի, որ մաքրեմ վատ բաները, մարդկանց մեղքերը և բերեմ բարություն, որ մարդիկ մեկը մյուսի հանդեպ լինեն բարի, որ իրար օգնեն։ Իսկ ինչու եմ ուզում լինել հենց բարության անձրև, որովհետև հիմա աշխարհում շատ քիչ է մնացել մարդկայնությունը։ Ա՜խ, երանի լիներ բարության անձրև։
Չնայած նրան, որ այդ ամենից տուժում է բնությունը
Ես շատ կուզենայի երկնքից տեսնել, թե ինչ է կատարվում մեր աշխարհի տարբեր մասերում: Ես մտածում եմ, որ երկինքը մարդկանց այդքան էլ չի սիրում, որովհետև մեր օրերում մենք շատ ենք աղտոտում մեր մոլորակը: Այդ պատճառով մարդիկ երկար չեն ապրում, նաև ձեռք են բերում շատ հիվանդություններ: Սակայն ես շատ ուրախ եմ, որ այն դարում որ ես եմ ապրում, երկրները ժամանակակից են, և գնալով ավելի ժամանակակից բաներ են հայտնագործում և ստեղծում: Չնայած նրան, որ այդ ամենից տուժում է բնությունը: Եթե մարդկանց հարցնեք, դուք ո՞ր պայմաններում կուզենայիք ապրել` առողջ բնություն առանց ժամանակակից իրերի և ոչ միայն իրերի, թե՞ ապրել ժամանակակից դարում, բայց ունենալ ոչ շատ առողջ բնություն, իմ կարծիքով շատերը կընտրեն երկրորդ տարբերակը, նույնիսկ ես դա կընտրեմ: Իսկ ես ինչ կպատմեի եթե երկինքը լինեի, ես էլ չգիտեմ. ես այն մարդը չեմ, ում այս պայմաններում ապրելը հաճելի չէ:
Միշտ երազել եմ արև լինել
Ես միշտ երազել եմ արև լինել: Ինչո՞ւ …ասեմ: Ես կուզեի լինել արև, որպեսզի մարդիկ առավոտյան արթնանան, նայեն արևին և ուրախանան: Մարդկանց օրը լցնեի ուրախ պահերով, երեխաները արև տեսնեին ու վազեին բակ ֆուտբոլ խաղալու: Նաև ես կուզեի լինել արև ու ապրեի մարդկանց սրտերում, որպեսզի նրանց սրտերում խավար չլիներ, ու սատանան չկարողանար այնտեղ մտնել: Նաև ես կուզեի արև լինել, որ կարողանայի օգնել մեր քաջ հերոս զինվորներին: Արև, մենք սպասում ենք քեզ…Ես կլինեմ լավ մարդ` արևի նման ջերմացնող ու տրամադրություն բարձրացնող, ես կլինեմ լավ մարդ` արևի նման շատ կարևոր մեր երկրագնդի համար:
Մտորումները` Ալեն Մանգասարյանի:
Գուցե…
Ախ, ես երանի լինեի թռչուն, որ բոլորին նայեի երկնքից և թռչեի ուր որ ուզեի: Կամ գուցե ջուր լինեի, որ բոլորի ծարավը հագեցնեի: Կամ էլ լինեի քար, որից կպատրաստեն շինություններ։ Իսկ միգուցե արև լինեի, բոլորին ջերմացնեի:Կամ գուցե ջրվեժ լինեի, և բոլորը զմայլվեին ինձնով։ Ոչ, ավելի լավ է` ես լինեմ այնպիսին, ինչպիսին կամ: Եվ դա ես եմ Գրիգորը:
Մտորումները` Գրիգոր Հարությունյանի:
Երանի ես թռչող ծիտ լինեի🐦
Երանի ես թռչող ծիտ լինեի, թափառեի երկնքով, թռչեի ազատ, անկախ :
Լինեի մի փոքրիկ թռչուն, որին չեն նկատի:
Վայելեի իմ կյանքը, ուր ուզեի, այնտեղ էլ թռչեի:
Կյանքս կլիներ ազատ, անկախ: Կուզեի կթռչեի աշխարհի մյուս ծայրը, ինչքան իմ թևերը կդիմանային, այդքան էլ կգնայի:
Երբ կուզեի հաց կուտեի, երբ կուզեի` ջուր կխմեի:
Մի խոսքով, ազատ անկախ կյանք կունենայի:
Ծտերը մեկը մյուսի հանդեպ ավելի լավ են վերաբերվում, քան մարդիկ :
Դրա համար ես կուզեի մեկ օրով լինել թռչուն:
Գրոց-Բրոց 