Գրոց-Բրոց

Երանի ես Կատու լինեի… հիմա կպատմեմ ինչու։ Կատուները ունեն 9 կյանք, էդպես ասում են բոլորը։ Ես գիտեմ, որ կատուների կյանքը այդքան հետաքրքիր չէ, բայց նրանք անում են ինչ ցանկանում են, նրանք միշտ կանգնում են, ընկնում են թաթերի վրա։ Եթե ինչ-որ բան խնդրես, նրանք իրենց լեզվով կասեն` у меня же лапки։ Նրանք կարող են քնել ամեն տեղ, քանի որ շատ պլաստիկ են, գեղեցիկ, իրենց տեսքով, աչքերով հմայում են բոլորին։ Ահա թե ինչու եմ ես ուզում լինել կատու:

Երազում է Սոնա Սարգսյանը:

Ա՜խ, ես երանի բարության անձրև լինեի։ Լինեի անձրև և գայի մաքրեի այս աշխարհի կեղծությունը, մարդկանց չարությունը, նախանձը։ Ինձ թվում է` ոչ ոքի էլ դուր չի գալիս այդ ամենը։ Նաև կուզեի, որ մաքրեմ վատ բաները, մարդկանց մեղքերը և բերեմ բարություն, որ մարդիկ մեկը մյուսի հանդեպ լինեն բարի, որ իրար օգնեն։ Իսկ ինչու եմ ուզում լինել հենց բարության անձրև, որովհետև հիմա աշխարհում շատ քիչ է մնացել մարդկայնությունը։ Ա՜խ, երանի լիներ բարության անձրև։

Մտքերը` Ամալյա Մաչյանի:

Ես շատ կուզենայի երկնքից տեսնել, թե ինչ է կատարվում մեր աշխարհի տարբեր մասերում: Ես մտածում եմ, որ երկինքը մարդկանց այդքան էլ չի սիրում, որովհետև մեր օրերում մենք շատ ենք աղտոտում մեր մոլորակը: Այդ պատճառով մարդիկ երկար չեն ապրում, նաև ձեռք են բերում շատ հիվանդություններ: Սակայն ես շատ ուրախ եմ, որ այն դարում որ ես եմ ապրում, երկրները ժամանակակից են, և գնալով ավելի ժամանակակից բաներ են հայտնագործում և ստեղծում: Չնայած նրան, որ այդ ամենից տուժում է բնությունը: Եթե մարդկանց հարցնեք, դուք ո՞ր պայմաններում կուզենայիք ապրել` առողջ բնություն առանց ժամանակակից իրերի և ոչ միայն իրերի, թե՞ ապրել ժամանակակից դարում, բայց ունենալ ոչ շատ առողջ բնություն, իմ կարծիքով շատերը կընտրեն երկրորդ տարբերակը, նույնիսկ ես դա կընտրեմ: Իսկ ես ինչ կպատմեի եթե երկինքը լինեի, ես էլ չգիտեմ. ես այն մարդը չեմ, ում այս պայմաններում ապրելը հաճելի չէ:

Մտորումները` Գրիգոր Պապիկյանի:

Ես միշտ երազել եմ արև լինել: Ինչո՞ւ …ասեմ: Ես կուզեի լինել արև, որպեսզի մարդիկ առավոտյան արթնանան, նայեն արևին և ուրախանան: Մարդկանց օրը լցնեի ուրախ պահերով, երեխաները արև տեսնեին ու վազեին բակ ֆուտբոլ խաղալու: Նաև ես կուզեի լինել արև ու ապրեի մարդկանց սրտերում, որպեսզի նրանց սրտերում խավար չլիներ, ու սատանան չկարողանար այնտեղ մտնել: Նաև ես կուզեի արև լինել, որ կարողանայի օգնել մեր քաջ հերոս զինվորներին: Արև, մենք սպասում ենք քեզ…Ես կլինեմ լավ մարդ` արևի նման ջերմացնող ու տրամադրություն բարձրացնող, ես կլինեմ լավ մարդ` արևի նման շատ կարևոր մեր երկրագնդի համար:

Մտորումները` Ալեն Մանգասարյանի:

Ախ, ես երանի լինեի թռչուն, որ բոլորին նայեի երկնքից և թռչեի ուր որ ուզեի: Կամ գուցե ջուր լինեի, որ բոլորի ծարավը հագեցնեի: Կամ էլ լինեի քար, որից կպատրաստեն շինություններ։ Իսկ միգուցե արև լինեի, բոլորին ջերմացնեի:Կամ գուցե ջրվեժ լինեի, և բոլորը զմայլվեին ինձնով։ Ոչ, ավելի լավ է` ես լինեմ այնպիսին, ինչպիսին կամ: Եվ դա ես եմ Գրիգորը:

Մտորումները` Գրիգոր Հարությունյանի:

Երանի ես թռչող ծիտ լինեի, թափառեի երկնքով, թռչեի ազատ, անկախ :
Լինեի մի փոքրիկ թռչուն, որին չեն նկատի:
Վայելեի իմ կյանքը, ուր ուզեի, այնտեղ էլ թռչեի:
Կյանքս կլիներ ազատ, անկախ: Կուզեի կթռչեի աշխարհի մյուս ծայրը, ինչքան իմ թևերը կդիմանային, այդքան էլ կգնայի:
Երբ կուզեի հաց կուտեի, երբ կուզեի` ջուր կխմեի:
Մի խոսքով, ազատ անկախ կյանք կունենայի:
Ծտերը մեկը մյուսի հանդեպ ավելի լավ են վերաբերվում, քան մարդիկ :
Դրա համար ես կուզեի մեկ օրով լինել թռչուն:

Ստեղծագործությունը` Գայանե Բադեյանի բլոգում:

Ես գարնանը ձայն կտայի այսպես. կվերցնեի մի քանի միրգ և կգնայի ընկերներիս հետ «Թումանյանի» այգի։ Ինձ կսկսեի պահել այնպես, կարծես գարուն է: Կհագնեի գարնանային շորեր, կնստեինք խոտերի մեջ և կսկսեինք իրար հետ շփվել։ Տաք եղանակներին մենք շատ ենք գնում այգի։ Այդ դեպքում գարունը կտեսներ, որ ուշանում է, և կգար։ Ես այդպես սովորաբար չեմ անում, բայց եթե գարունը ուշանա, կանեմ։ Իմ ընկերներին դա դուր կգար, որովհետև նրանք սիրում են գարունը և տաք եղանակներ։

Ստեղծագործությունը` Մայա Խաչատրյանի:

Գարուն, գարուն, իմ գարուն,
Արի՛, արի՛, իմ գարուն,
Ես քեզ կտամ տաքություն,
Քա​ղցրահամ իմ գարուն,
Արի՛, իմ սիրուն, իմ նախշուն,
Արի՛, գարու​ն, մի՛ ամաչի​ր,
Նուր​բ գարուն:

Ստեղծագործությունը` Օլգա Ալեքսանյանի:

Բարև, գարուն, սիրում եմ քեզ ու սպասում անհամբեր։ Գիտեմ՝ քիչ մնաց, շուտով կգաս ու կբերես քեզ հետ թարմ խոտի հոտը։ Արևի շողի հետ ծիտիկներն ավելի քաղցր կդայլայլեն։ Կբացվեն ծառերի բողբոջները` բերելով իրենց հետ պտղատու ծառերի գեղեցիկ ծաղիկների բույրը։ Գարունը նոր կյանք է, ամեն ինչի զարթոնքը։ Բնությունն արթնանում է գարնան շնչով։ Այ, թե ինչու եմ սիրում գարունը։ Իսկ իմ սիրելի գարնանը կհաջորդի տաք ամառը։ Դե, շուտ արի սիրուն գարուն ու քեզ հետ բեր օրեր սիրուն։

Ստեղծագործեց Յանա Կիրակոսյանը: